padmavati vivaad par naana paatekar ne todi chuppi

padmavati-vivaad-par-naana-paatekar-ne-todi-chuppi

padmavati vivaad par naana paatekar ne todi chuppi, virodhiyon ko de daali ye salaah
naana paatekar ne film ko lekar chal rahe vivaad aur deepika paadukon va nirdeshak sanjay leela bhansali ko jaan se maarane ki dhamaki ko galat thaharaya hai.

 

New Delhi: film padmavati ko lekar chal rahe vivaad mein ab diggaj abhineta naana paatekar ka naam jud gaya hai. naana paatekar ne film ko lekar chal rahe vivaad aur deepika paadukon va nirdeshak sanjay leela bhansali ko jaan se maarane ki dhamaki ko galat thaharaya hai.

naana ne kaha ki kisi bhi kalakar ya vyakti ko jaan se maarane ki dhamaki dena galat hai. film ke content ko lekar naana paatekar ne kaha ki film ko lekar vivaad kyon ho raha hai? main nahi jaanata ki sanjay leela bhansali ki film kiradaaron ko kis prakaar se filmaaya gaya hai. mainne abhi tak film dekhi nahi hai isliye main ye nahi bata sakata ki film mein kuch vivaadit hai bhi ya nahi.

padmavati-vivaad-par-naana-paatekar
padmavati vivaad par naana paatekar

bain karane ki yaachika ko do baar khaarij kar chuka hai supreme court

is film ki release par rok lagaane ki yaachika ko ab tak supreme court do baar khaarij kar chuka hai. haal hi mein is film ko videsh mein bhi rokane ke liye yaachika dayer ki gai thi use bhi supreme court ne khaarij kar diya. yahaan tak ki supreme court is mudde par bade netaon dwara ki ja rahi tippaniyon se bhi naaraaj hai aur unhen aisa na karane ki hidaayat de chuka hai. haal hi mein chief justice ne is par sunavaei karate hue kaha, “saadhaaran log film par koi bhi baat kar sakate hain. lekin bade pad par baithe log aisa kaise kar sakate hain? jab supreme court film ki saamagri par vichaar nahi kar raha, to zimmedaar logon ko bhi is baat ko samajhana chahiye. aap sensar bord ko uska kaam karne de.”

bhansali pahale bhi de chuke hain shafai

jis seen ko lekar vivaad ho raha hai us par bhansali pahale hi video jari kar shafai de chuke hain. bhansali ye bata chuke hain is film mein padmavati aur khilaji ke beech koi dreem seekvens nahi hai, yahaan tak ki ye dono bhumika nibha rahe kalakaron ne saath mein kabhi shooting bhi nahi.

ye film ek december ko release hone vaali thi lekin har taraf  ho rahe virodh aur sensar board se certificate na milane ke chalate isaki release det aage badha di gai hai. mekars jald hi is film ki new release date ka ailaan karenge. is film mein deepika paadukon, shaahid kapoor aur ranveer singh mukhya bhumika hain.