naaharagadh ki deewar par shav latakaya

naaharagadh-ki-deewar-par-shav-latakaya

film padmavati  ke virodh mein naya hinsak mod aa gaya hai. jaipur ke naaharagadh kile ki deewar se ek shakhs ki  laash lataki mili hai.

jaipur: jaipur ke naaharagadh kile ki deewar se ek shakhs ki laash lataki mili hai aur usake pass patthar par likha hai- ham putala jalaate nahi latakaate hain. chetan taantrik maara gaya. is sanasaneekhej vaaradaat ke baad police harakat mein hai.

police ne apane shuruaatee taphteesh mein bataaya hai ki shav ki pahachaan kar lee gai hai. usaka naam chetan sharma bataaya gaya hai aur usake paas mumbai ka ek rail tikat mila hai. police ne is vaaradaat ko padmavati se jodane se inakaar kiya hai. police philahaal is angle janch kar rahi hai ki ye maamala aatmahatya ka hai ya phir hatya ka.

maahol bigadane ka prayaas

ek patthar par likha mila hai ki lutere nahi allaah ke bande hain, ek-ek 10-10 par bhari hain. chetan taantrik maara gaya. ek anye patthar par likha hai ki padmavati ka virodh karane vaalon, ham kile par sirf putale nahi latakaate, ham mein hai dam.

in baaton se saaph hai ki kisi ne hatya ke baad deewaro par ye likha hai aur maahol ko hindu-muslim rang dene ka prayaas kiya hai. haalaanki police ka saaph kahana hai ki abhi tak ki jaanch se nahi lagata ki maamale ka koi connection padmavati se hai.

naaharagadh ko isliye pasand karate hain log

jaipur shahar se kareeb 22 KM door is jagah par aksar log shaam mein aate hain. yahaan ek restorent hai jahaan log khaana khaane aate hain vahin kuchh log deewaro ke aas paas khade hokar khaate peete bhi hain. yahaan se shahar ka poora view milata hai isliye paryatak yahaan aana pasand karate hain.

naaharagadh ke bhitar aane ke liye ek tikat lena hota hai saath hi restorent tak jaane vaalon ko bhi alag se tikat lena hota hai. yahaan par kuch  CCTV bhI aas pass lage hue hain. police ineh CCTV ke jarie bhi pata karane ka prayaas kar rahi hai ki aakhir is shakhs ke saath yahaan kaun aaya tha.

chetan taantrik ki kahani

malik mohammad jaayasi ke mahaakaavy padmaavat mein taantrik chetan ka jikr hai. taantrik chetan raaghav chittaudagadh ke raja ratanasen ke darabaar mein hua karata tha. ek baar usaki tantr vidya se aahat hokar raja ne use darabaar se baahar kar diya tha aur desh nikaala de diya tha.
taantrik ne poornima ki raat pahale hi tantr vidya se poornima ka chaand dikha diya tha. isse pandito ke saath saath raja ratanasen bhi naaraaj hue the jo tantr vidaya ke khilaaph the. desh nikaale ke baad taantrik chetan raghav ulaooddeen khilajee ke darabaar mein pahuncha tha.
vahaan usane khilajee ko rani padmavati ki sundarata ka bakhaan kiya tha. jaayasee ki padmaavat ke anusaar chetan raghav ne jis tarah se rani padmavati ki sundarata ke baare mein vistaar se khilajee ko bataaya tha usake baad hi khilajee ki rani padmavati ko paane hi ichcha jaagrat hui thi aur usane chittaudagadh ke kile par hamala kiya tha.

Leave a Reply

Your email address will not be published. Required fields are marked *